Luonddunamahusat muitalit luonddu ja eatnamiid hámii ja mo luondu dahje eatnamat leat oaidnit. Meahcci ja eatnamat -giehtagirjjáš čájeha ja oahpaha luonddunamhusaid sárgosiid bokte. Giehtagirjjážis lea maiddái jietna juohke luonddunamahussii, ja sátneregister oktan čilgehusain ja dárogiel sániin.

Váldde giehtagirjjáža mielde go vuolggát meahccái ja oahpahala luonddunamahusaid ja eatnamiid. Mađi áŋgirat don oahpahalat meahcástaladettiin, dađi buorebut dádjadat meahcis!

Meahcci ja eatnamat -giehtagirjjáš galgá álkes ja somás sárgosiid bokte čájehit ja oahpahit iešguđet sámi luonddunamahusaid. Giehtagirjjážis lea hállan-peanna. Dainna deaddila dihto eatnamii, dasto hállan-peanna muitala luonddunamahusa. Giehtagirjjážis leat sárgosat mat govvejit 80 luonddunamahusa dahje eatnama. Giehtagirjjážis lea sátneregister oktan čilgehusain ja dárogiel sániin. Sátneregister galgá leat ávkin dutnje guhte háliidat diehtit dárkilit makkár dihto luonddunamahus dahje eana lea oaidnit, dahje dutnje guhte leat oahpahallamin sámegiela.