Rávdná ja Jovnna vuolgiba geasi maŋimuš fanastuvrii ovttas ealliustibiiguin Riebuin ja Snáhppásiin. Čáppa čakčabeaivi nuppástuvva vilda fearánin, go rávdnji doalvu fatnasa fárustis. Nagoditgo ustibaččat suhkat gáddái - ja mii mátkki alde vel dáhpáhuvvá?

Liekkus ja gelddolaš girji muitala olbmo veadjimis. Juohkehaččas mis lea iežamet fanas, mii suvdá eallima báruid siste. Muhtumin dat sáhttá dievvagoahtit fuomáškeahttá hušain, dovdduiguin dahje váibasiiguin. Muitalus sáhttá addit mánnái ja rávisolbmui oktasaš sániid dasa, mo hállat veadjimis ja veajuiduvvamis - dat hástá bisánit ja bivdit veahki ovdalgo siskkáldas fanas dievvá.