Doaimmahaneavttut

Doaimmahaneavttut

Duodji Shop Oy:n neahttagávpi

 

Oppalaččat

Neahttagávppi gálvvuid/buktagiid vuovdi lea Duodji Shop Oy (fitnodatnummir 2448889-9). Gálvvuid hattit sisttisdollet fámus leahkki árvolassevearu (24% dahje 10% dahje 0% ain iešguđege gálvvu mielde). Gálvvuid hattit oidnojit neahttagávppis. Gálvvuid haddi ii sisttisdoala sáddengoluid. Sáddet gálvvuid Posti Group bokte. Duodji Shop Oy doalaha vuoigatvuođa nuppástuhttit hattiid ja sáddenmávssuid. Duodji Shop Oy ii vástit juos neahttagávppi siidduiguin vejolaččat leat boastut hadde- ja vuorkásáldodieđut. Doalahit vuoigatvuođa šluhttet gávppi, juos gálvu ii diŋgonáigge leat oažžunsajis. Diŋgoma oktavuođas áššehas/oasti čatnasa fámus leahkki sáddeneavttuide ja lea geatnegas oahpásnuvvat fámus leahkki doaimmahaneavttuide ovdal go diŋgo gálvvu. Vástidit gálvvuid guoskevaš jearaldagaide e-boastta ja telefovnna bokte dalle go gávpi lea rabas (vuo/mán-bea dmu 10-17).

 

Diŋgon

Gálvvut diŋgojuvvojit Duodji Shop neahttagávppis ja dat máksojuvvojit diŋgoma oktavuođas.

 

Máksinvuogit priváhtaolbmuide

Gálvvut ja daid boastagolut máksojuvvojit diŋgoma oktavuođas. Duodji Shop neahttagávppis sáhttá máksit neahttabáŋkku bokte dahje Visa, VisaElectron ja MasterCard -goarttaiguin, Pay Pal-konttu dahje rehkega bokte, go vállje máksinvuohkin Collector bank dahje Jousto. Mobiilamáksin lihkostuvvá go vállje máksinvuohkin MobilePay. Geavahusas leat buot ruovtturiikka neahttamáksinbáŋkkut.

Neahttabáŋkomáksima várás dárbbašat ruovtturiikka báŋkku neahttabáŋkodovddaldagaid. Eat sádde gálvvuid boastaovdamávssuin.

 

Neahttabáŋkkut

Neahttabáŋkomáksimii laktáseaddji bálvalusaid fállá Paytrail Technology Oy (fitnodatnummir 2552865-3) ovttasbarggus suopmilaš báŋkkuiguin. Paytrail Technology Oy lea mávssu gaskkusteaddji ja čilge gávpesubmi ruhtageavaheami gávpejassii. Geavaheaddji ektui bálvalus doaibmá áibbas nugo dábálaš neahttamáksin.

 

Mávssut Visa, Visa Electron dahje MasterCard-goarttaiguin

Juos háliidat máksit Visa, Visa Electron dahje MasterCard -goarttaiguin, Duodji Shop Oy lea dušše gálvvuid ja bálvalusaid márkanfievrredeaddji ja sádde gálvvuid oastái. Reklamašuvnnas vástida Paytrail Technology Oy. Paytrail Technology Oy lea gálvvu vuovdi dalle go máksá Visa, Visa Electron dahje MasterCard -goarttaid bokte ja gávpi šaddá áššehasa/oasti ja ja Paytrail Technology Oy gaskii. Vuovdi ovddasvástádussan leat buot gávpái guoskevaš geatnegasvuođat. Paytrail Technology Oy maid oažžu mávssu.

 

Paytrail Technology Oy
F-nummir: 2552865-3
Innova 2, Lutakonaukio 7,
40100 Jyväskylä

Sin áššehasbálvalus lea rabas 24/7 – birra jándora juohke beaivve.

Geavaheaddjái 020 718 1830
asiakaspalvelu@paytrail.com
Eambbo dieđut: https://www.paytrail.com/yhteystiedot

 

 

Doaimmahanáigi

Sáddet gálvvuid árgabeivviid áigge. Máksinvuogi ja báŋkooktavuođaid mielde dasa gollá 2-4 árbabeaivvi das, go rehket lea máksojuvvon. Duodji Shop doallá vuorkkás buot neahttagávppi gálvvuid. Gaskaboddosaččat muhtun gálvu sáhttá leat nohkan. Guhkitáigge sáddenčuolmmaid birra muitalit neahttagávppis. Juos du diŋgon gálvu lea man nu sivas nohkan, váldit dutnje oktavuođa nu jođánit go vejolaš telefovnna dahje e-boastta bokte. Doalahit vuoigatvuođa šluhttet gávppi, juos gálvu ii leat diŋgonáigge oažžumis.

 

Doaimmahanmávssut

Diŋgojumit sáddejuvvojit reiven dahje boastabáhkkan. Boastabáhka sáhttá čuovvut sáddennummirin Posti neahttasiiddu bokte. Eat sádde gálvvuid boastaovdamávssuin. Sáddengolut molsašuddet diŋgojuvvon gálvvuid mielde. Sáddengoluid submi oidno kássas.

 

Molsun- ja máhcahaneavttut

Buot neahttagávppis diŋgojuvvon gálvvuiguin lea Suoma Geavaheaddjisuodjelága (Kuluttajansuojalaki) mielde 14 jándora molsun- ja máhcahanvuoigatvuohta. Olles diŋgojuvvon gálvoeari galgá máhcahit ollislaččat álgoálgosaš báhkas. Gálvvut galget leat ollásit geavakeahttá. Máhcaheami galgá álot soahpat ovddalgihtii juogo e-boastta, telefovnna bokte dahje čálalaččat. Dalle fidnet dárkkit máhcahanrávvagiid. Máhcahuvvon diŋggaid oasil ruđat máhcahuvvojit du kontui dalán, go leat váldán vuostá ja
dohkkehan máhcahusa. Máhcahus guoská dušše diŋgojuvvon gálvvuid, eat mávsse ruovttoluotta fráktamávssu. Eat váldde vuostá máhcahusaid, maid doaimmaheamis lea gollan badjel 14 jándora. Eat lono boastaovdamávssuin, gálvofievrredanfitnodagain dahje eará sullasaččain sáddejuvvon máhcahusaid. Lotnut dušše Posti Group oyj bokte áššehasmáhcahussan sáddejuvvon máhcahusaid.

 

Reklamašuvnnat

Juos du diŋgon gálvu lea boasttu, vaháguvvan dahje fuobmát gálvvus čielga feailla, almmut dan birra ájahalakeahttá juogo e-boastta, telefovnna dahje reivve bokte. Boasttugálvvu sáhttá máhcahit dahje molsut almmá goluid haga áššehasmáhcahussan. Go válddát vuostá gálvvu ja fuobmát ahte gálvu lea vaháguvvan boasttas, daga reklamašuvnna ájahalakeahttá Posti Group oyj:ai. Molsut boasttugálvvu seammalágan feaillahis gálvui dahje juos áššehas nu háliida, máhcahit gávpesubmi.

 

Máhcahančujuhus

Buot ovddalgihtii sohppojuvvon máhcahusaid galgá sáddet čujuhussii:

Duodji Shop Oy,
SAJOS, Menesjärventie 2,
99870 Inari.

Fárrui galgá laktit buot álgoálgosaš báhkenlisttuid, ja iežas nama, čujuhusa, telefovdnanummira ja báŋkodieđuid. Áššehasa ovddasvástádus lea gálvvu fuolalaš báhkken máhcaheami várás.

Pin It on Pinterest