Duodji Shop
Duodji Shop
Duodji Shop guovddáš ulbmilat leat suvdilis ovdáneapmi, ehtalašvuohta, anolašvuohta, dárbbašlašvuohta ja čábbodat. Luondu fállá ávdnasiid, mat geavahuvvojit dušše dan mađe maid dárbbašit.
Sámi Duodji rs (Suoma sámi duojáriid searvi) vuođđudii ovttas lahtuiguin Duodji Shop Oy. Duojárat bidjet ieža hattiid dujiide, ja Duodji Shop jođiha dujiid. Ná duojáriin lea eambbo áigi duddjot. Dujiid lea álo duddjon sápmelaš.
Buresboahtin oahpásmuvvat Duodji Shoppai!
Dárbbašatgo ávdnasiid dujiide? Duodji Shoppas gávnnat Suoma viidámus fálaldaga ávdnasiin.
Duodji Shop vuovdá sámi dujiid.
Maid Sámi Duodji dárkkuha
Sámi duodji lea sámegielas atnudiŋggát, dego biktasat, bargoneavvut, viessodiŋggát, bivdinvearjjut ja čiŋat, mat leat duddjojuvvon gieđaiguin. Duodjeárbevierru lea sirdásan buolvvas bulvii áiggiid čađa. Árbevirolaččat ja maid dálá áigge duojis geavahit luonddumateriálaid. Duodji duddjojuvvo boares árbevieru mielde, muhto dat lea heivehuvvon ođđa bargovugiide ja ođđa adnui guovlluid mielde.
Diŋggat, mat leat dárkkuhuvvon mátkemuittun ja main ii leat árbevirolaš geavahandárkkuhus, eai merkejuvvo Sámi Duodji -mearkkain.
Sámit
Sámit leat Eurohpa áidna eamiálbmot. Sámit orrot Suoma, Ruoŧa, Norgga ja Ruošša riikkaid davveosiin. Suoma sámeguvlui gullet Eanodaga, Anára, ja Ohcejoga gielddat, ja Sámi bálggus Soađegili gielddas.
Suomas orrot sulaid 10 000 sápmelačča. Suomas hubmojuvvo golbma iešguđet sámegiela: davvisámegiela (sulaid 2000), anárašgiela (sulaid 300-400) ja nuortalašgiela (sulaid 300).
Duodji Shoppas gávnnat Suoma buoremus fálaldaga sámegielat girjjiin.
Gaskaija beaivváža eana
Dán mearkkas lea oktageardánis riskku hápmi – beaivváža jorbalas, mii gávdno maid Sámi leavggas. Čielga, oktageardánis hámi lea álki dovdat. Ivnnit bohtet Sámi leavggas. Mihtilmas hearva mearkka guovdu lea váldojuvvon boahkána guottahagas. Dainna boahkánii sáhtii heŋget máŋggaid atnutiŋggaid.
Duodji Shop Logo čilgehus