Tååimtem-määin
Tååimtem-määin
Duodji Shop Oy neʹttkaupp
Aalmilaž teâđ
Neʹttkaaup käälvai/ouddsi kaaupšeei lij Duodji Shop Oy (põõrǥâsnââmar 2448889-9). Käälvai hââʹdd âʹnne seʹst viõǥǥâst åårrai ärvvlââʹsspiiđ (24 %, 10 % leʹbe 0 % juõʹǩǩ käälvast ǩidd ååreeʹl). Käälvai hââʹdd kuâsttje neʹttkaaupâst. Käälvai hâʹdd ij ââʹn seʹst tååimtemkoolaid. Vuõltteep käälvaid Posti Group Oyj pääiʹǩ. Duodji Shop Oy tuõʹllai vuõiggâdvuõđ muʹtted hõõʹddid da tååimtem-määusaid. Duodji Shop Oy ij vaʹstted, jõs neʹttkaaup seeidain lie puäst-teâđ käälvai hõõʹddin da mieʹrin. Tuõʹllʼjep vuõiggâdvuõđ jårrâʹstted kaaup, jõs kälvv ij tiʹllʼjempoodd leäkku vuäǯǯamnalla. Tiʹllʼjummuž õhttvuõđâst äʹššneǩ/vueʹstti čõnnââtt viõǥǥâst åårrai tååimtem-määinaid da lij õõlǥtum tobdstõõttâd viõǥǥâst åårrai tååimtem-määinaid ouddâl ko tiʹllai käälv. Vaʹstteep käälvaid kuõskki kõõččmõõžžid neʹttpååʹšt da teʹlfoon pääiʹǩ teʹl, ko kaupp lij äävai (vu–pi čiâss 10–17).
Tiʹllʼjummuš
Käälvaid tiʹllʼjet Duodji Shop -neʹttkaaupâst da tõid määuʹset tiʹllʼjummuž õhttvuõđâst.
Mäʹhssemnääʹl privattoummid
Käälvaid da tõi pååʹštkoolaid määuʹset tiʹllʼjummuž õhttvuõđâst. Duodji Shop -neʹttkaaupâst vuäitt mäʹhssed neʹttbaaŋk pääiʹǩ leʹbe Visa-, Visa Electron di Mastercard-koortivuiʹm leʹbe laaskin, ko vaʹlljad mäʹhssemnääʹllen Collector bank leʹbe Jousto -vaajtõsmääinaid. Mobiilmähssmõš oʹnnast, ko vaʹlljad mäʹhssemnääʹllen MobilePay. Ââʹnnmest lie puk Lääʹddjânnam neʹttmäʹhssembaaŋk.
Neʹttbaŋkkmähssmõõžž vääras taarbšak Lääʹddjânnam baaŋk neʹttbaŋkktiõttid. Jeäʹp tååimat käälvaid pååʹštouddmääusain.
Neʹttbaaŋk
Neʹttbaŋkkmähssmõʹšše õhttneei kääzzkõõzz taʹrjjad Paytrail Technology Oy (Y-tunnus 2552865-3) õhttsažtuâjast lääʹdd baaŋkivuiʹm. Paytrail Technology Oy lij määus siʹrddi da serdd kaupphââʹdd kauppjõʹsse. Õõʹnni peäʹlnn kääzzkõs toiʹmmai aivv mâʹte takai neʹttmähssmõš.
Määus Visa, Visa Electron leʹbe MasterCard-koortivuiʹm
Jõs haaʹlääk mäʹhssed Visa, Visa Electron leʹbe MasterCard-koortivuiʹm, Duodji Shop Oy lij tåʹlǩ käälvai da kääzzkõõzzi markknõʹstti da lââʹssen tååimat käälvaid vueʹsttja. Reklamaatioin vaʹsttad Paytrail Technology Oy. Paytrail Technology Oy lij käälv kaaupšeei teʹl, ko mähss Visa, Visa Electron leʹbe MasterCard-koortivuiʹm da kaupp šâdd äʹššneeʹǩǩ da Paytrail Technology Oy kõʹsǩǩe. Kaaupšeeʹjest lij vasttõs puk kauʹppe õhttneei õõlǥtõõzzin. Paytrail Technology Oy lij še määus vuäǯǯai.
Paytrail Technology Oy
põõrǥâsnââmar: 2552865-3
Innova 2, Lutakonaukio 7,
40100 Jyväskylä
Sij äʹššneǩ-kääzzkõs lij äävai 24/7 – suutk pirr juõʹǩǩ peeiʹv.
Õõʹnnʼjid: 020 718 1830
asiakaspalvelu[at]paytrail.com
Lââʹssteâđ: https://www.paytrail.com/yhteystiedot
Tååimtemäiʹǧǧ
Vuõltteep käälvaid arggpeeiʹvi. Mäʹhssemnääʹl da baŋkkõhttvuõđi mieʹldd tõõzz mâânn 2–4 arggpeeiʹv tõʹst, ko laskk lij mahssum. Duodji Shop seeilat puk neʹttkaaup käälvaid. Måtam kälvv vuäitt leeʹd kõskkpoddsânji puuttâm. Kuuʹǩǩabäiggsaž tååimtemčuõlmi pirr mušttlep neʹttkaaupâst. Jõs tuu tiʹllʼjem kälvv lij måtam määin diõtt puuttâm, väʹlddep tuʹnne õhttvuõđ samai sõõrǥab juʹn-a soiʹttjeeʹl leʹbe neʹttpååʹštin. Tuõʹllʼjep vuõiggâdvuõđ jårrâʹstted kaaup, jõs kälvv ij tiʹllʼjempoodd leäkku vuäǯǯamnalla.
Tååimtemkool
Tiʹllʼjõõzzid tååimtet ǩeʹrjjen leʹbe pååʹštpaʹǩaatân. Pååʹštpaʹǩaat vuäitt seuʹrrjed vuõltteemnââmrin Pååʹšt neʹttseeidain. Jeäʹp tååimat käälvaid pååʹštouddmääusain. Tååimtemkool vaajtâʹlle tiʹllʼjum käälv mieʹldd. Tååimtemkoolai summ kuâsttai kääʹšnest.
Vaajtem- da maacctem-määin
Puk neʹttkaaupâst tiʹllʼjum käälvain lij Lääʹddjânnam õõʹnnisueʹjjlääʹjj meâldlaž 14 suutk vaajtem- da maacctemvuõiggâdvuõtt. Puk tiʹllʼjum käälvaid da tõi vueʹzzid âlgg maaccted obbvuõđstes alggveärlaž paʹǩǩõõzzâst. Käälv âʹlǧǧe leeʹd obbnes ââʹnǩani. Maacctummšest âlgg pâi suåppâd ouddǩiõʹtte juʹn-a neʹttpååʹštin, teʹlfoonin leʹbe ǩiiʹrjin. Teʹl vuäǯǯak tääʹrǩab maacctemvuäʹppõõzzid. Maacctum käälvai vueʹzzeld tieʹǧǧid maacctet tuu tuu baŋkktiil õõl tâʹlles, ko leäʹp vuâsttavälddam da
priimmâm maacctõõzz. Maacctõs kuâskk tåʹlǩ tiʹllʼjum käälvaid, jeäʹp maaccât frahttmääus. Jeäʹp vuâsttavääʹld maacctõõzzid pâʹjjel 14 suutk ǩeeʹjjest tååimtummšest. Jeäʹp låån pååʹštouddmääusain, mäʹtǩǩhuâlain leʹbe jeeʹres ko pååʹšt äʹššneǩmaacctõssân vuõlttuum maacctõõzzid.
Reklamaatio
Jõs tuu tiʹllʼjem kälvv lij puästnallšem, skääđšõõvvâm leʹbe hoʹhssjak käälvast čiõlgg vââʹjj, iʹlmmet tõʹst mââʹjeeǩani juʹn-a neʹttpååʹštin, teʹlfoonin leʹbe ǩiiʹrjin. Vââǥǥlaž käälv vueiʹtet maaccted leʹbe vaajted koolaitää äʹššneǩmaacctõssân. Ko vuâsttavääldak käälv da hoʹhssjak, što kälvv lij skääđšõõvvâm pååʹštest, tueʹjjed reklamaatio ääjtõõlǩani Pååšta. Vaajtep vââǥǥlaž käälv vaʹstteei vââʹjjteʹmes kalvvu leʹbe jõs äʹššneǩ nuʹtt haaʹlad, maacctep kauppsuum.
Maacctemaddrõs
Puk ouddǩiõʹtte suåppum maacctõõzzid âlgg vuõltteed addrõõzzin:
Duodji Shop Oy,
SAJOS, Menesjärventie 2,
99870 Inari.
Mieʹldd âlgg piijjâd puk alggveärlaž paʹǩǩeemliistid, di jiijjad nõmm-, addrõs-, teʹlfon-nââmar- da baŋkkõhttvuõtt-teâđaid. Äʹššneǩ âlgg paʹǩǩeed käälvaid tärkka maacctem vääras.